喺中環, 路過文華東方, 一時興起, 冇預約嘅情況下走左入快船廊. 星期二晚, 竟然全場爆滿, 差 d 冇位😱
上年拍過片, 曾經提出幾個食物以外嘅問題, 例如企檔人手, 醬油碟, 燈光. 今次再去, 所有問題都改進左, 特別係燈光, 明顯喺我上次講過嘅甜品區加左射燈, 成個區光猛晒, 甜品睇落都靚仔吸引好多. 🍰🧁🍧🎂
話說我上次 Q&A 都有講過, 試過有餐廳老闆喺我拍片後打千字文鬧我, 為餐廳低水平食物找藉口. 反觀今日文華東方, 仔細睇條片, 逐個位去執, 可見經理做事認真, 也願意接受意見. 態度, 決定了人嘅成就.
今日我食左上次冇時間食嘅自家🍨雪糕, 水份較多, 冰感稍重, 不過不失.
👩👩👧👦👨👩👧👦快船廊地方淺窄, 輸在起跑點. 今日人多, 問題特別明顯, 成日塞晒車排晒隊, 呢一點就冇得搞.👩👩👦👦👨👩👦👦
食物質素比上年有提升, 招呼依舊係一流, 五百幾一位, 食得過!👍🏼🥂
#撐檯腳冇拍片
Search